Turmat e zemëruara kanë shkaktuar sërish trazira në Hong Kong në përvjetorin e kthimit të ish-kolonisë britanike nën sundimin e Kinës.Ceremonia e ngritjes së flamurit eshte zhvilluar nën masa të rrepta sigurie, ndërsa policia është përplasur me protestuesit dhe ka përdorur shkopinj, gaz lotsjellës si dhe të tjera mjete për të mos i lejuar të hynin në ndërtesën e qeverisë.
Protesta të mëdha janë zhvilluar javët e fundit per shkak te projekt-ligjit të ekstradimit, i cili do të lejonte të dyshuarit të dërgoheshin në Kinë për gjykim.
Qeveria ka rënë dakord ta pezullojë atë për një kohë të pacaktuar, por tubimet vazhdojnë. Shefja e ekzekutivit Carrie Lam, po ballafaqohet edhe me thirrje të vazhdueshme për dorëheqjen e saj.
Protestuesit kërkojnë tërheqjen e plotë të ligjit të ekstradimit, lirimin e të gjithë aktivistëve të ndaluar dhe hetime për dhunën që ka ushtruar policia në protestën e 12 qershorit.
