Prime i të kësaj të hëne mbrëma nisi plot pozitivitet dhe kjo falë moderatores Luana Vjollca, e cila këtë prime të Ferma Vip e hapi me një mesazh mjaft të rëndësishëm. Spektakli nisi plot të qeshura e kjo pasi dje ishte dita ndërkombëtare e të qeshurës!
“Ah, sa bukur është kur qesh!
Është një gjuhë universale, me të cilën krijojmë lidhje përtej fjalëve… Imagjinoni pak, sa bukur do të ishte sikur historia e secilit prej nesh të shkruhej vetëm nga momentet kur kemi qeshur?
Ndaj, le të qeshim me të madhe, sepse e qeshura të zbukuron.
Më besoni: nuk ka veshje, grim apo fjalë që të bën të dukesh më bukur sesa një e qeshur që vjen nga shpirti! Kaq kisha.”, u shpreh Luana, ku në këtë moment, opinionistët vazhduan të qeshin me të madhe për tu dukur akoma më bukur referuar fjalimit më lart.
Ndërkohë Luana zbuloi se sonte pritet të jetë një prime plot të papritura: Do të kemi një hyrje të re, gjithashtu do të kemi një kryefermer të ri si edhe kush do të ndërpresë rrugëtimin në Ferma VIP mes Albës, Nur, Big Bastës, Andreas, Ronit, Elinarës dhe Yllit. Gjithashtu edhe shtëpia e fakirit do të ketë miq sonte, por surprizat nuk mbarojnë këtu.
Këto dhe shumë të tjera mbeten për tu zbuluar në Vizion Plus dhe në dy kanale të dedikuara në Tring. Gjithashtu mund ta ndiqni spektaklin tuaj të preferuar Ferma VIP 2 LIVE në linkun e YouToube.
