24 prilli ishte caktuar si data e zgjedhjeve parlamentare ne Maqedoni, por SHBA dhe BE arritën ne përfundimin se nuk ekzistojnë kushtet per mbajtjen e tyre.
Jess Baily: Pasi KSHZ nuk është përditësuar me informacionet për listat e votuesve dhe sipas mendimit të ekspertëve të përfshirë në procesin e plotësimit te kushteve për zgjedhje, vlerësojmë se në këtë fazë ato nuk janë përmbushur. I inkurajojmë partitë politike që të vazhdojnë bisedimet per përgatitjen e zgjedhjeve ne nje date sa me te afert. Sipas asaj që kemi kuptuar, bëhet fjalë për 5 qershorin.
Ambasadori amerikan vuri në dukje mungesën e reformave në media dhe informacionet për presion ndaj votuesve. Komentet erdhën pas një takimi me drejtuesit e partive kryesore ne vend, qe u bojkotua nga ish kryeministri Nikolla Gruevski, kryetari i VMRO-DPMNE. Kjo parti ka vendosur te ndërpresë bashkëpunimin me ndërmjetësin europian Peter Vanhojte, si rrjedhojë e fyerjeve ndaj saj. Pas takimit 4 oresh me ambasadoret, i vetmi qe beri nje deklarate ishte drejtuesi i BDI, Ali Ahmeti. Por nga Gruevski , ai shmangu konfrontimin me ndërkombëtaret.
Ali Ahmeti: Jemi në një situatë shumë të pasigurt, por mendoj se ka ende hapësirë për të diskutuar dhe negociuar për çështjet e e pa zgjidhura. Takimet duhet të vazhdojë për të arritur një kompromis, pasi rënia e marrëveshjes se 2 qershorit është fillimi i thellimit të krizës politike në Maqedoni.
Komisioneri per zgjerimin Johannes Hahn, komentoi gjithashtu zhvillimet e fundit. Permes nje postimi ne Twitter ai theksoi se cilesia e zgjedhjeve eshte me e rëndësishme se data e tyre. Tashme u takon krerëve politike te vendosin per diten kur do te zhvillohet procesi.
