Kryeministri i Italisë, Giuseppe Conte njoftoi se masat kufizuese do të shtrihen në të gjithë territorin, duke e shpallur të gjithë vendin “zonë të kuqe”, përfshirë edhe ishujt.

 

Në një deklaratë për mediat, Conte tha se pezullimet e udhëtimeve do të shtrihen jo vetëm në Veri të Italisë, ndërsa përsëriti këshillat e tij ndaj qytetarëve. Sipas tij, ata duhet të qëndrojnë në shtëpi dhe të dalin vetëm kur të kenë probleme shëndetësore, si dhe ndalohet qëndrimi në vende publike, si kafene, pub-e dhe restorante.

 

“Nuk ka kohë. Numrat na tregojnë se ne kemi një rritje të rëndësishme të infeksioneve, të personave të shtruar në kujdes intensiv dhe fatkeqësisht edhe të personave të vdekur. Zakonet tona duhet të ndryshojnë. Vendosa të marr masa edhe më të rrepta, më të forta. Nuk do të ketë më një zonë të kuqe në gadishull. Italia do të jetë e gjitha një zonë e mbrojtur”, u shpreh ai.

 

Po ashtu, koronavirusi ka prekur edhe sportin, ku janë pezulluar të gjitha aktivitetet sportive.

Leave a Reply

Your email address will not be published. Required fields are marked *