“Nuk është më e nevojshme”/ Spanja heq maskën mbrojtëse

Spanja do të anulojë javën e ardhshme mbajtjen e maskës së fytyrës, një nga masat e ndërmarra kundër pandemisë Covid. Kabineti po planifikon t’i japë fund përdorimit të mjetit mbrojtës në mjediset e jashtme, të martën.

Ministrja e Shëndetësisë, Carolina Darias është shprehur se masa do të hiqet pasi nuk është më e nevojshme. “Duke qenë se normat e infektimit dhe treguesit e tjerë kanë rënë prej disa ditësh, qeveria e konsideron situatën me Covid-19 të lehtësuar”, shtoi ministrja.

Spanja po ndjek shembullin e disa vende të tjera evropiane që kanë filluar të heqin kufizimet e lidhura me Covid. Maskat në natyrë nuk janë më të detyrueshme as në Francë dhe Italia gjithashtu njoftoi të mërkurën se do të planifikonte heqjen e kufizimeve.

Përsa i përket Spanjës, rajone të shumta të saj kanë hequr tashmë thuajse të gjitha kufizimet e tjera. Bask dhe Katalonia kanë anuluar edhe Green Pass si një kërkesë për të marrë pjesë në evente të ndryshme.