Akuzave te forta të ambasadorit amerikan Donald Lu për reformën në drejtësi Lulzim Basha ka zgjedhur t’iu përgjigjet duke refuzuar kategorikisht votimin e çdo drafti që nuk përfshin leximin qe ai i bën rekomandimit 88 te Venecias. Ndonëse nuk e përmend me emër diplomatin e lartë amerikan, në një postim të gjatë në facebook Basha sqaron se ofertat për kompromis në të vërtetë kane qenë vetëm në favor të Edi Ramës.
“Kam marre propozime, por kane qene e njëjta prerje, ne shmangie te rekomandimit 88 te Venecias, veçse me veshje te ndryshuar. Ndryshe nga c’pretendohet nuk kane qene te arsyeshme, pasi nuk ka si te ketë arsye përtej rekomandimit 88 te Venecias. Nuk ka si te jete i arsyeshëm asnjë propozim qe ndërsa me nje dore jep 3/5 apo 2/3-tat e votimit ne Kuvend me dorën tjeter e zhbën kete kuorum përmes nje mekanizimi qe i jep qeverise kontrollin e hartimit te listave duke përjashtuar opozitën tërësisht nga çdo rol. Çdo variant i këtillë, i kujtdo qofte, është ne kundërshtim me rekomandimin 88 qe përcakton rol substancial te opozitës përmes përfaqësimit te saj te drejte.”
E përkundër qëndrimit të qartë amerikan për kalimin e reformës në parlament në 21 korrik, Basha shkruan se po komunikon me ndërkombëtarët jashtë Shqipërisë, që sipas tij i kanë bërë të qartë qeverisë të mos trafikojë vota.
“Unë kam qene dhe jam ne komunikim intensiv, edhe këto dite, me faktorët relevante ne Uashington, Bruksel, Berlin, Paris, Rome dhe Londër. Qeverise i kane ardhur mesazhe te qarta qe te harroje shantazhin dhe trafikun e votave, te kerkoje e jape konsensus per nje reforme sipas rekomandimeve te Venecias. Mesazhe te këtilla do te vijojnë edhe me fort, edhe me shpesh, edhe me qarte. Sepse kjo është e vetmja mënyre per nje reforme te qëndrueshme ne drejtësi qe i shërben qytetareve dhe jo pushtetit.”
Kush ka veshe le t’i dëgjoje – shkruan Basha në fund të mesazhit të tij ne facebook, por duket se kjo nuk i ka ndalur takimet e diplomatëve për amendimet kushtetuese. Gjatë ditës ambasadori Lu ishte në zyrën e kreut të komisionit të posaçëm Fatmir Xhafaj, me të cilin diskutoi finalizimin e reformës. Ndërkohë, nga Cërriku, kreu i Kuvendit Ilir Meta ka deklaruar se qëndrimin e tij personal mbi reformën në drejtësi do ta japë më 21 korrik.
