Drejtuesi i Politik i Partisë Socialiste për qarkun e Fierit, Taulant Balla, sëbashku me kryebashkiaken e Lushnjes Eriselda Sefa ndoqi nga afër punën intensive që po kryhet në territorin e kësaj Bashkie për procesin e pastrimit dhe të vendosjes së kontenierëve të rinj.
Kalimi i shërbimit nga privat në publik krijoi një problematikë gjatë dy ditëve të fundit si pasojë e zëvendësimit të bazës materiale, mirëpo marrja në kohë rekord e kontenierëve të rinj ka stabilizuar situatën, veçanërisht në qytet
.
Balla teksa ndoqi nga afër punën në disa pika të qytetit, e konsideroi të drejtë dhe shumë të rëndësishëm vendimin e Bashkisë dhe Këshillit Bashkiak për ta pasur shërbim publik, pastrimin e Lushnjes.
Sipas Ballës në 20 vite kompanitë private nuk kanë justifikuar paratë që kanë marrë me shërbimin që kanë kryer.
Balla u shpreh i bindur se shërbimi i pastrimit tanimë që ka kaluar në varësi të Bashkisë do të jetë model, ndërsa akuzat lidhur me problematikën e krijuar, ai i lidhi me prishjen e interesave te kompanive që punojnë në këtë fushë.
“Jemi të bindur që do ta bëjmë Lushnjen një qytet më të pastër. Falë punës së Ndërmarrjes së Punëve Publike gjatë këtyre 48 orëve të fundit është bërë një punë shumë e mirë. Duhet edhe pak mirëkuptim nga banorët në këtë periudhë tranzitore, derisa situata të stabilizohet plotësisht. Tjetër gjë me rëndësi është fakti që punëtorët e brigadës së pastrimit në Bashki do të paguhen me paga dinjitoze dhe me sigurime, dhe jo me paga 15 mijë apo 20 mijë sikurse ka ndodhur. Ky proces jam i sigurtë se do të japë një Lushnje shumë më te pastër” u shpreh drejtuesi politik i PS për qarkun Fier, Taulant Balla.
Kryebashkiakja Sefa garantoi qytetarët se falë mjeteve të reja dhe shpërndarjes së kontenierëve në çdo pikë të caktuar në Njësi dhe qytet, shërbimi i pastrimit do të futet në normalitet duke garantuar kosto më të ulët dhe shërbim më cilësor për qytetarët.
