Karriera e saj muzikorë është shoqëruar gjithmonë dhe me lajme të bujshme të jetës personale. Nora Istrefi është një nga personazhet më tërheqës të showbiz-it shqiptar, dhe sigurisht që lajmet në lidhje me të janë të shumta në vazhdimësi.
Përveçse një këngëtare e suksesshme, ajo është një nga vajzat më të bukura të skenës shqiptare. Në fakt, një gjë e tillë, është vënë re që në daljet e saj të para. Me kalimin e viteve sigurisht që imazhi përmirësohet dhe Nora është shumë e kujdesshme për ta shtuar këtë përmirësim.
Format e saj trupore, edhe pse u bë nënë, janë perfekte dhe për këtë këngëtarja shpenzon kohë dhe mund. Nëse mendoni se mban djeta drastike, e keni gabim. Për këtë, Nora një kujdes e ka, por jo aq të fiksuar sa shumë personazhe të tjera.
Në një postim të fundit në InstaStory, Nora na tregon se i lejon vetes dhe konsumin e një vakti të bollshëm, aq më tepër në darkë. Ky vakt sigurisht që është shumë kalorik, por Nora ka treguar se me shumë punë në palestër mund t’ja dalë mbanë të hajë në mënyrë të tillë dhe të ketë një trup perfekt.
