Partia Demokratike akuzon ish-kryeministrin Sali Berisha se po bashkëpunon me ish-kryebashkiakun socialist të Durrësit, Vangjush Dako.
Selia blu ka shpërndarë një video në faqen zyrtare të “Facebook”, ku shkruan mes të tjerash se “të korruptuarit” e shpallur “non grata” nga SHBA janë bërë bashkë për të mbrojtur njëri-tjetrin.
“Pse Berisha nuk sulmon më Dakon? Non gratat janë bërë bashkë. Ata duan të shkatërrojnë PD që të mbrojnë veten”, thuhet në video.
“Non grata me Dakon e Durrësit po përpiqen të përfitojnë në kurriz të demokratëve. Të korruptuarit dhe non-gratat po mbajnë njëri-tjetrin kundër PD, kundër shqiptarëve. Këta nuk duan që Shqipëria të ndryshojë.”
