Noka – Felaj përplasen në Komision

Kryetarja e Komisionit të Sigurisë socialistja Ermonela Felaj dhe nënkryetari demokrat Flamur Noka, u përfshinë sërish në debate të ashpra mes tyre teksa flisnin për përmbytjet.

Duke tentuar të merrte fjalën, Noka i tërhoqi me forcë mikrofonin drejtueses së Komisionit. Moment që pasoi me tensionimin e situatës.

Pas përplasjes, deputetët socialiste u larguan nga mbledhja, duke lënë opozitën të vetme në mbledhjen, gjatë të cilës duhet të dëgjohej raporti mbi përballimin e situatës së përmbytjeve të javës së fundit.

Opozita akuzoi qeverinë se nuk do t’i dëmshpërblejë qytetarët.

Konflikti mes Nokës dhe Felajt, prej kohësh është shndërruar në rutinë në mbledhjet e Komisionit të Sigurisë, duke lënë mënjanë debatet mbi nismat ligjore.