Së fundmi duket se është gjetur zgjidhja për tyë shpëtuar nga ndërtesat e larta. Dronë të veçantë po përgatiten për tu përdorur për shpëtimin e të gjithë atyre personave që ngelin të bllokuar brenda ndërtesave të larta të përfshira nga zjarri duke hapur kështu rrjeta gjigante mbi të cilat mund të kërcejnë nga dritaret.
Dronë Net janë pajisjet që përdorin sistemin e navigimit GPS, për të lokalizuar vendin ku është përfshirë nga zjarri dhe kështu dërgojnë sinjale për intervenim, pasi me fluturim shmangin trafikun e dendur dhe shfaqen në vendin e ngjarjes për pak minuta.
Këto dronë do të ndërtohen në një mënyrë të tillë që sapo ti afrohen ndërtesës, të hapin rrjetën mbi të cilën mund të kërcejnë pa problem qytetarët e rrezikuar. Rrjeta është e punuar nga materiale të forta që pa ndonjë problem bartin të rriturit.
Këta dronë janë dizajnuar nga gjashtë studentë të Universitetit Politeknik dhe i Elektronikës Inxhinierike në Kinë, dhe së fundmi janë shpërblyer me çmimin Golden Pin Concept.
Bëhet fjalë për studentët Diao Hao-Ming, Liu Xiang, Li Hao-Hua, Zhu Nan-Tong, Li Guo-Yu dhe Hu Zhen-Yuan, të cilët në vazhdimësi hulumtojnë dhe mundohen të prodhojnë diqka që do t’ua lehtësojë jetën qytetarëve.
