Vasilika Duli vajza e verbër që nuk njeh barriera dhe dhuron grimca magjie me notat e pianos së saj.
Edhe pse është me aftësi të kufizuar, ky fakt nuk do ta pengonte të realizonte ëndrrën e saj për tu bërë pianist. Në moshen 12 vjeçare Vasilika vendosi të guxonte dhe të munte çdo paragjykim apo vështirësi për ti dhëne jetë dëshirës së saj që të mësonte pianon.
Sot, vite më pas pasioni ka marrë formë dhe është kthyer në një profesion. Për herë të parë ajo mbajti një recital artistik për publikun elbasanas të ardhurat e të cilit do të shkojnë për fëmijët me aftësi ndryshe.
Ajo shprehet e emocionuar që më në fund pati mundësi të realizojë ëndrrën e saj dhe të performojnë në një skenë teatri . Vasilika përcjell mesazhin se çdo person, sado vështirësi të ketë nuk duhet të dorëzohet por të luftojë pasi asgjë nuk të dhurohet.
Vajza elbasanase është një shembull se barrierat që jeta të vë përpara nuk mund ta pengojnë ëndrrën të bëhet realitet.
