Kontrolle të shumta dhe gjoba mbi drejtuesit e mjeteve këto ditë në akset rrugore të Korçës.
Prej tre ditësh që njësia operacionale e sektorit të qarkullimit rrugor e ardhur nga Tirana po ushtron kontrolle, janë ndëshkuar me gjoba një numur I madh drejtuesish të mjeteve që janë konstatuar me shkelje.
Sipas të dhënave, në tre ditë janë vendosur 310 masa administrative.
Vetëm paraditen e së premtes, janë vendosur 75 masa, nga të cilat 40 vetëm në qytet.
Njësia operacionale e qarkullimit rrugor ka ushtruar kontrollet në qytetin e Korçës në bashkëpunim me policinë rrugore vendase.
Masat ndëshkuese janë vendosur kryesisht për mos përdorimin e rripit të sigurimit, përdorimin e telefonit në udhëtim, shpejtësi në drejtimin e mjetit tej normave të lejuara dhe parakalim të gabuar.
Vetem paraditen e sotme nga nje njesi operacionale jane hequr 12 leje drejtimi per tejkalim te shpejtesise se lejuar