Këngëtarja Olta Boka, e cila vazhdimisht është e pranishme në ambiente ku këndohet muzika live, tashmë ka vendosur të ketë edhe një profesion tjetër. Ajo është zgjedhur koordinatore në Këshillin e Qarkut Tiranë dhe e mban këtë pozicion prej 7 muajsh.
Në një postim vetëm para disa minutash në Instagram, Olta ka treguar të gjithë kënaqësinë që i fal puna e re. Profesionin si këngëtare Olta e quan fat nga talenti, ndërsa profesioni i ri i jep një motiv dhe qëllim për të bërë më të mirën çdo ditë.
“Të jesh e talentuar është fat! Meritë është punosh përtej talentit! Prej gati 7 muajsh përjetoj një eksperiencë të re, të paprovuar më parë. Të zgjimit të hershëm, me një motiv, qëllim dhe dëshirë për të bërë më të mirën çdo ditë…” – ka shkruar Olta përbri një fotoje në zyrën e saj.
