Krishtlindjet e këtij viti ishin të paharrueshme për 8-vjeçarin Pietro, që mori dhuratën që kishte pritur për gati një vit e gjysmë: një zemër të re.
Më 20 dhjetor, ai iu nënshtrua me sukses një transplanti zemre në Spitalin Bambino Gesù në Romë.
Pas operacionit, ai u zgjua më 24 dhjetor dhe kaloi Krishtlindjet me familjen e tij në spital.
Në një video të shpërndarë nga spitali më 19 dhjetor, Pietro shprehu gëzimin kur mori lajmin se zemra kishte mbërritur, ndërsa ishte rrethuar nga mjekët dhe infermierët.
“Zemra ka mbërritur,” ishte lajmi që e emocionoi jo vetëm djalin, por edhe prindërit dhe stafin mjekësor.
Mjekët shpjeguan se gjendja e tij ishte e komplikuar për shkak të sëmundjeve dhe operacioneve të mëparshme.
Për të mundësuar transplantin, u përdor një ilaç i ri që vepronte në sistemin imunitar dhe ndihmoi në uljen e antitrupave, duke lejuar që transplantimi të ishte i mundur.
Pietro tani do të monitorohet dhe t’i nënshtrohet kontrolleve dhe terapive të mëtejshme, por pas operacionit, ai mund të luajë me miqtë dhe të shijojë një të ardhme më të sigurt, pas një periudhe të gjatë pasigurie.
