Një video e ISIS-it kërcënon Kinën
uftëtarë të organizatës së Shtetit Islamik (ISIS), pjesëtarë të minoritetit mysliman kinez ujgur, kanë kërcënuar nga Iraku se do të derdhin lumenj gjaku në Kinë, një paralajmërim i nisur në adresë të Pekinit mjaft i pazakontë, shprehet një ekspert.
Kërcënimi është formuluar në një video 28-minutëshe publikuar të hënën nga një degë e ISIS-it, e lokalizuar në perëndim të Irakut, sipas një entiteti të specializuar për monitorimin në internet të web-eve islamike, SITE Intelligence Group.
Ujgurët janë një minoritet etnik me shumicë myslimane me origjinë nga Xinjiang (veriperëndimi i Kinës). Ky rajon është një territor i madh gjysmëshkretëtirë në kufi me Afganistanin. Ujgurët shprehen se në mënyrë të përsëritur janë bërë viktima të diskriminimeve fetare si dhe në tregun e punës përballë hansave.
Një grup i radikalizuar ka kryer vitet e fundit sulme në rajonin e sipërpërmendur duke shkaktuar qindra të vdekur.
Pekini akuzon separatistët ujgurë se fshihen pas këtyre sulmeve, duke vënë alarmin për lidhje mes këtyre militantëve dhe grupeve të xhihadistëve ndërkombëtarë.
