Në konferencën rajonale që po zhvillohet në Tiranë për transformimin digjital, sigurinë juridike të pronës dhe integrimin europian, Kryeministri Edi Rama u ndal gjerësisht te çështja e pronave, të cilën e cilësoi si një nga sfidat më të vështira të 35 viteve të tranzicionit në Shqipëri.
Rama tha se kjo temë përkon me një moment kyç për vendin, pasi Shqipëria po mbyll fazën e parë të negociatave me Bashkimin Europian dhe po hyn në një etapë të re që do të përcaktojë ritmin e procesit të integrimit. Sipas tij, çështja e pronës mbetet thelbësore në këtë fazë të negociatave.
Rama: Sa i përket çështjes së komplikuar dhe komplekse të pronae në Shqipëri, nuk ka vënd tjetër në këtë rajon tonin ku të drejtat e pronës kanë qenën kaq nën trysni. Gjatë 35 viteve të fundit na është dashur të trajtojmë një material kaq kompleks saqë është realisht një nga vështirësitë më të thella me të cilat jemi përballur. Kalimi nga një vend me pronë tërësisht shtetërore ku prona private nuk lejohej dhe nuk lejohej as zotërimi i një automjeti privat, kaluam në një situatë ku shteti humbi kontrollin mbi territorin dhe pati një bum të madh demografik pas rënies së komunizmit. Këto lëvizje ndikuan në formësimin e territorit. Ndërkohë që kishim pronarët e vjetër që mendonin se erdhi momenti ityre për të marrë pronat, nga ana tjetër duhej të përballeshim gjithashtu me një sulm të plotë mbi tokën dhe me numër të jashtëzakonshëm zhvillimesh që u bënë shtresa e re e pronësisë që zunë tokën. Përtej kësaj megjithëse për arsye misterioze, regjimi komunist nuk e dogji arkivin e pronave, por i mbajti dhe ruajti me shumë siguri. Ajo që ndodhi me arkivin në vitin 1990 ishte katastrofë e vërtetë. Trashëguam një shtresë tjetër pronësie që ishte shtresa e titujve të falsifikuar. Të zbërthesh këtë është sfidë e vërtetë që ka të bëjë me kompromise shumë të vështira dhe të dhimbshme. Nuk besoj se ka një vend tjetër ku mund të gjesh vendime gjykata që i japin ankimuesit më shumë se sa kërkon. Dikë që shkon të kërkojë 5 hektar dhe merr 200 hektar me vendim gjykate. Na u desh të hartonim një legjislacion të ri që ishte gjithashtu i komplikuar. Sepse një vendim që ishte një vendim i mirë dhe një nga pak vendimet që parlamenti mori me konsensus, për ti dhënë fermerëve një shkresë për përdorimin e tokës. Por hapi një rrugë tjetër abuzimi. Pasi nisën privatizimet. Kemi parë plazhe dhe dete të përvetësuara.
/vizionplus.tv
