Një nënë surrogate bën sërish baba Cristiano Ronaldon

Sulmuesi i Realit të Madridit dhe Kombëtares së Portugalisë, Cristiano Ronaldo, është bërë baba i dy fëmijëve nga një nënë surrogate.

Sipas media-ve portugeze, fëmijët kanë lindur të enjten e kaluar dhe janë njëri djalë dhe tjetra vajzë, që raportohet të jenë quajtur Eva dhe Mateo.

Pritet që vetë futbollisti të japë një përgjigje përfundimtare për këto lajme të cilat kanë kohë që qarkullojnë në mediat botërore, por deri tani, vetë ylli madrilen nuk ka konfirmuar asgjë.

Mësohet se nëna e fëmijëve është me origjinë nga bregu perëndimor i SHBA-ve, por nuk bëhet me dije identiteti i saj.