Një mbrëmje letrare në kryeqytet

Ai nuk preferon të flasë për ato që shkruan edhe pse këtë fundjavë ka mbërritur në Tiranë me sprova të reja letrare. Sepse Enton Bido preferon të shkruajë. Kjo është vetëm pak atmosfera e krijuar në një nga mbrëmjet letrare e organizuar këtë fundjavë në kryeqytet. Miq, kolegë, studiues por edhe dashamirës të librit janë mbledhur për të diskutuar mbi prurjet më të reja të letërsisë shqipe, përfshirë këtu edhe tregimin e shkurtër të Bidos. Të tilla evente ku në qendër janë bisedat letrare, më shumë se sa botimet e reja po bëhen gjithnjë e më të shpeshta në libraritë e kryeqytetit.