Serbi, një i vdekur dhe 25 të plagosur pas një shpërthimi në një depo ushtarake

Një person u vra dhe 25 të tjerë u plagosën sot pas një shpërthimi të dyfishtë në një depo municionesh të ushtrisë në qytetin serb të Kragujevacit, në pjesën qendrore, njoftoi Ministria e Mbrojtje.

Tre persona rezultojnë ende të zhdukur disa orë pas këtij shpërthimi, për të cilin ministria nuk ka dhënë ende shkaqet.

“Të plagosurit janë ushtarë dhe funksionarë”, theksoi ministria në një komunikatë.