Kjo është Valentina Habibaj, kapitene prej 12 vitesh, dhe si çdo ditë tjetër ky 8 mars atë e gjeti në krye të detyrës. Sot ajo nisi kontrollin e anijes, për ta bërë gati për sezonin turistik.
52-vjeçarja kryen ritualin, që nis me kontrollin e përgjithshëm të anijes, ndezjen e motorit dhe ngritjen e spirancës.
Valentina kujton se kur mori për herë të parë timonin e anijes, ajo theu shumë tabu si e para grua kapitene në qytetin e Vlorës.
“Nuk është e lehtë në fushën e burrave unë theva shumë tabu ku e nisa këtë gjë”, rrëfen ajo.
Lundrimi në det, për kapitenen, është hapësira që i dhuron ndjesinë e të qenit e lirë.
“Kjo më bën të jem vetvetja”, thotë ajo.
Mesazhi i kapitenes 52-vjeçare, për të gjitha gratë dhe vajzat, në këtë 8 mars, është ky:
“Gratë duhet të besojnë në fuqinë që kanë”, përfundoi ajo.
