Pesë mandatet për këshillat bashkiakë të marra nga nisma “Thurje” në pesë bashki të ndryshme kanë sjellë optimizëm mes drejtues të saj.
Endrit Shabani kërkoi bashkim në zgjedhjet e ardhshme me dy prej forcave të ekstremit të majtë, të spikatura edhe për gjuhën e fortë populiste: “Lëvizjen bashkë” dhe “Vetëvendosjen”.
ENDRIT SHABANI
NISMA “THURJE”
“Hajde ta bëjme bashkë këtë rrugë, kjo është një betejë e përbashkët, prandaj nuk ka vend që luftën ta vazhdojmë vec e vec. Momenti historik ku ndodhet vendi kerkon bashkim i të gjithëvë atyre që duan një tiranë dhe një Shqipëri krejt ndryshe.”
Si anëtar i këshillit bashkiak të Tiranës, Shabani u shpreh se do të kërkojë anulimin e koncesioneve të autobusëve private për t’i ofruar kryeqytetit transport publik sipas modelit gjerman.
ENDRI SHABANI
NISMA THURJE
“Që nga java që vjen do të nis një nismë vendore për të kërkuar anullimin e koncesioneve të autobusëve privat dhe për t´i ofruan Tiranës një transport publik sipas modelit gjerman”
Partia “Lëvizja Bashkë” në Tiranë në bashkinë më të madhe doli forcë e tretë politike, duke lënë pas edhe kandidatin e Partinë Demokratike, Roland Bejko.
