Ndërsa uron nxënësit, fëmijët dhe mësuesit në këtë vit të ri shkollor përmes një publikimi në rrjetet e tij sociale, Programi për Zhvillim i Kombeve të Bashkuara – UNDP në Shqipëri bën me dije se 61 objekte arsimore kanë përfunduar deri tani në kuadër të Programit “EU4Schools” – “BE për Shkollat”.
“Duke zbatuar parimet e “Rindërtojmë Më Mirë” dhe “Rindërtojmë Së Bashku”, 61 objekte arsimore kanë përfunduar deri tani falë këtij projekti duke garantuar për fëmijët, nxënësit dhe mësuesit mjedise plotësisht moderne, më të sigurta dhe dinjitoze për të përballuar sfidat e shekullit të 21-të.” – nënvizon UNDP në Shqipëri.
Ndër të tjera, UNDP në Shqipëri shpreh mirënjohjen rreth partneritetit për progres me BE-në në kuadër të Programit “EU4Schools”, falë të cilit janë hedhur themelet për një të ardhme më të mirë për brezat e rinj të Shqipërisë.
Për t’u informuar më shumë rreth programit, progresit dhe arritjeve të tij, ju ftojmë të ndiqni portalin e transparencës www.eu4schoolsportal.al .
