Nisin sulmet kundër ISIS në Libi

Bombardimet kundër militanteve te Shtetit Islamik shtrihen edhe ne Libi. Avionët amerikane kane kryer sulme ndaj nje kampi te ISIS ne Sabrata, ku besohet se fshiheshin drejtues te tij te larguar nga Siria, apo Iraku. 41 persona kane gjetur vdekjen, mes te cilëve besohet te jete edhe nje lider ekstremist. Dyshohet se ai eshte i lidhur me dy sulme te vitit te shkuar ne Tunizi, ku mbeten te vrare 30 turiste britanike. Sipas SHBA, ISIS vepron ne Libi qe prej nje viti dhe mendohet se ne kete shtet gjenden 6 mije luftëtare. Javen e kaluar sekretari amerikan i Mbrojtjes Ash Carter kishte paralajmëruar se shënjestra e radhës jane militantet qe strehohen ne Libi.
Prej me shume se 4 vjetësh qe pas përmbysjes se regjimit te liderit Gadaffi vendi është përfshirë nga kaosi dhe disa grupe po luftojnë me njeri-tjetrin. Xhihadistet e ISIS kane marre ne kontroll nje zone pranë brigjeve libiane pranë qytetit Sirte. Sipas informacioneve te fundit, mes radhëve te militanteve është rritur numri i femijeve nga mosha 8-16 vjeç dhe vetëm gjate 2015-es ne luftime apo sulme kamikaze kane gjetur vdekjen 89 djem.