Nisin hetimet për Xhani Infantinon

Xhani Infantino, presidenti i sapozgjedhur i FIFA-s mund të jetë viktima e dytë pas kryeministrit islandez, pasi emri i tij është publikuar në të ashtuquajturin skandali financiar “Panama Papers” për kontratat me të drejtat televizive ne vitin 2006. Policia ka bastisur zyrat e UEFA-s në Nion të Zvicrës, për të marrë dosjet me dokumentacionin në fjalë. Bëhet fjalë për kontratat që Infantino, në atë periudhë përfaqësues ligjor i UEFA-s ka nënshkruar me dy kompani “Cross Trading” dhe “Teleamazonas” në 2006-ën. Nga ana tjetër, UEFA ka njoftuar se do të bashkëpunoje plotësisht me autoritetet në Zvicër, për të hetuar këtë rast. Përmes një njoftimi, ata thanë se po i dorëzojnë policisë kopje të dosjeve në fjalë. Emri i Infantinos përflitet në skandalin e “Panama Papers” afro një muaj pas zgjedhjes së tij si president i FIFA-s. Përfshirja në skemën e mashtrimit financiar, solli dorëheqjen e kryeministrit të Islandes Gunlaugson pas protestave te mijëra qytetareve ne këtë shtet.