Nishani për reformën në drejtësi

Presidenti Bujar Nishani kritikoi mazhorancën se ka anashkaluar mendimin e institucionit të tij për hartimin e reformës në drejtësi. Ai bëri thirrje që rregullimi i këtij sistemi të bëhet me konsensusin e të gjitha palëve dhe të kalojë interesat politike. Nishani theksoi se domosdoshmëria e konsensusit mes partive do të vendosë fatin e Shqipërisë, nëse do të vijojë të mbetet apo jo peng i korrupsionit. Kreu i shtetit tha se ka ardhur koha që t’i jepet fund piramidës së gjyqtarëve dhe prokurorëve të korruptuar, por e njëjta logjikë duhet të ndiqet edhe për krerët e institucioneve të tjera të pavarura, përndryshe reforma nuk do të ketë sukses. Nëse kërkohet bashkëpunim mes partive politike, ai gjendet gjithmonë, për këtë Bujar Nishani ofroi edhe ndihëm e tij. Gjatë pritjes vjetore që organizoi me gazetarët, presidenti u tha atyre se fillimisht duhet të vendosen piketat se ku do të kalojë procesi i reformës, dhe më pas t’i lihet në dorë ekspertëve ndërtimi i strategjisë.