Nishani dekreton emërimin e Sokol Dervishajt

Presidenti i Republikës Bujar Nishani ka dekretuar Sokol Dervishaj, në postin e Ministrit të Transportit dhe Infrastrukturës. Ndërkohë më herët, kreu i shtetit vendosi të nënshkruaje dekretin për shkarkimin e Edmond Haxhinastos, si drejtues i këtij dikasteri. Deri më tani, Dervishi mbante postin e shefit të kabinetiti të kryetarit të kuvendit. Zëvendësimi i Haxhinastos, erdhi pas dorëheqjes së tij, nga posti i ministrit në kabinetin e kryeministrit Rama, të cilin e mbante prej 3 vitesh. Zyrtarisht, akti i dorëheqjes erdhi për shkak të angazhimeve të tij në organizimin partiak.