Niset flota e re e ambulancave të emergjencave civile nga Turqia drejt Shqipërisë

Kryeministri Edi Rama ka bërë të ditur këtë të enjte flota e re e autoambulancave të emergjencave civile është gati për t’u nisur nga Turqia drejt vendit tonë.

Në një postim në “Facebook”, kreu i qeverisë tha se këto mjete do t’i shtohen flotës së shëndetësisë në këto kohë të vështira.

“Flota e re e autoambulancave të emergjencave civile gati për t’u nisur nga Turqia drejt Shqipërisë #TiNukDoJeshKurrëVetëm”, shkruan Rama.

Një ditë më parë, kryeministri Rama në mbledhjen online që zhvilloi me tre anëtarë të kabinetit, konfirmoi mbërritjen e një sasie prej 50 mijë mjetesh të mbrojtjes personale për stafet mjekësore, të cilat kanë filluar të shpërndahen në të gjithë spitalet.