Ashtu siç ishte paralajmëruar nga autoritetet greke, këtë te marte nisi zbrazja e kampit famëkeq te Idomenit, ne kufirin me Maqedoninë. Ne oret e para te mëngjesit nisi largimi i qindra refugjateve, qe u transportuan me autobusë drejt qendrave te ngritura per strehimin e tyre. Operacioni per zhvendosjen e rreth 8.500 emigranteve po zhvillohet nen mbikëqyrjen e forcave te shumta policore, ndërsa nje helikopter patrullon zonen. Deri tani nuk jane shënuar incidente, apo probleme me refugjatet. Pritet qe evakuimi te përfundoje brenda nje jave.
Autobusët e pare me emigrante u dërguan drejt nje qendre ne Selanik. Pavarësisht rezistencës se bere gjate ketyre muajve, duket se vete emigrantet jane pajtuar me vendimin e zhvendosjes.
“Do te shkoj ne nje tjetër kamp, sepse kjo është zgjidhja e vetme. Ndoshta nuk është zgjidhje, por është e vetmja menyre dhe shume njerëz si unë po shkojnë ne te tjera kampe”.
“Nese do ta dinim se do te ndodhte kështu, nuk do te kishim ardhur. Destinacioni ynë është Gjermania. Kishim ardhur me harta, por ata na e lanë ne mes udhëtimin tone.”
Operacioni i evakuimit po ndiqet vetëm nga gazetaret e televizionit shtetëror grek, ndërsa te tjerët se bashku me punonjës te organizatave humanitare janë pozicionuar ne nje distance te largët. Ndërhyrja e autoriteteve greke erdhi pasi Idomeni ishte kthyer ne shqetësim serioz jo vetem per kushtet e renda te jetesës, por edhe per shkak te rrezikut nga bandat e krijuara.
