Ministri i Mbrojtjes, Niko Peleshi, ka njoftuar këtë të premte se ka nisur stërvitja “StrongBalkan23”, e cila zhvillohet për herë të parë në Shqipëri.
Peleshi ka publikuar në rrjetet e tij sociale disa foto të ushtarakëve dhe tregon se stërvitja do të bëhet bashkë për Forcat Speciale të 8 vendeve të Ballkanit.
Ai deklaron se në këtë mënyrë synohet të rritet më shumë bashkëpunimi rajonal.
“Nis stërvitja Strong Balkan 23, e cila zhvillohet për herë të parë në Shqipëri. Forca Speciale nga 8 vende të Ballkanit do të stërviten së bashku, për të rritur më shumë bashkëpunimin rajonal, duke përftuar njëherësh rritje në nivelin profesional, aftësim taktik, operacional e strategjik, për të përballuar sfidat komplekse që paraqet sot mjedisi i sigurisë”, thekson ministri.
