Nis seanca plenare e Parlamentit të ri të dalë nga zgjedhjet e 25 prillit. Me nisjen e legjislaturës së dhjetë, rikthehet në Parlament pas 2 vitesh mungesë edhe Partia Demokratike në opozitë.
Në fillim të seancës, në sallën e Kuvendit u vendos himni kombëtar. Më pas, siç e përcakton edhe rregullorja e Kuvendit, drejtues i seancës së parë plenare u bë deputetja më e vjetër në moshë, Luljeta Bozo, nga radhët e PS-së.
Bozo përshëndeti 140 deputetët e rinj të Parlamentit, duke iu uruar një punë të mbarë dhe bashkëpunuese për ta çuar Shqipërinë sa më lartë.
Kjo do të jetë seanca e parë, pas të cilës do të thërritet një e dytë, në të cilën do të votohet kryetari i ri i Kuvendit. Seanca e dytë do të nisë në orën 17:00.
