Ka nisur zyrtarisht punë Komisioni i Posaçëm i Reformës Zgjedhore.
Të pranishëm në mbledhje janë anëtarët e PS, PD dhe PSD të Tom Doshit, ndërsa mungonin përfaqësuesit e partive të vogla, Agron Shehaj i Mundësia, Redi Muçi i Lëvizjes Bashkë dhe Ana Dajko e Nismës Shqipëria Bëhet.
Bashkëkryetari socialist, Damian Gjiknuri, në fjalën e tij, theksoi rëndësinë e arritjes së një reforme reale, të plotë dhe konsensuale, duke adresuar të gjitha rekomandimet e bëra nga OSBE/ ODIHR, edhe në raportin për zgjedhjet e 11 majit. Gjiknuri tha se duhet që deri në mesin e vitit që vjen të kenë dalë me një produkt zgjedhor të reformuar.
Dammian Gjiknuri: Të kemi një ligj zgjedhor të reformuar deri në mesin e vitit tjetër që t’i jepet kohë institucioneve qoftë për zgjedhjet vendore, apo të përgjithshme që të kemi bazë të mirë solide ligjore më të përmirësuar dhe me standarte më të mira dhe me rregulla të pranuar nga të gjithë. Iu bëj thirrje atyrë që janë pjesë e komisionit, edhe pa të drejtë vote, që të kontribuojnë dhe ta zhvillojnë debatin brenda kësaj salle.
Bashkëkryetari demokrat Oerd Bylykbashi tha se problemi kryesor i zgjedhjeve është keqqeverisja. Ai kërkoi një qasje 360 gradë me qëllim që të adresohen problematikat kryesore.
Oerd Bylykbashi: Problemet e zgjedhjeve janë probleme keqqeverisjeje. Zgjidhen ato probleme dhe Kodi Zgjedhor funksionon edhe me dispozitat që ka. Vendosja e barrierave në Kodin Zgjedhor ndërkohë që keqqeveriaja është masive dhe përfshirja e krimit të organizuar është masive, Kodi Zgjedhor nuk e luan dot rolin e plotë në raport me çështjet që trajton. Ky komision duhe të ketë një qasje 360 gradë të pakufizuar dhe duke hyrë në të gjitha problematikat. Sot ka një probem të madh që po shpartallon zgjedhjet. Është kombinimi i të gjithë faktorëve përfshirë shtetin, adminsitratën, resurset e tij dhe krimin e organizuar të gjitha të bërë bashkë në një instrumet të vetëm me koordinim të plotë i cili shkatërron zgjedhjet.
Ulsi Manja theksoi se është e rëndësishme që së pari të nisë puna për të adresuar rekomandimet e bëra nga OSBE/ ODIHR, edhe në raportin e fundit për zgjedhjet parlamentare të 11 majit. Ai tha se duhet që të kalojmë te numërimi në qendrat e votimit.
Ulsi Manja: Dua t’i ndajmë sipas një rendi të caktuar, duke adresuar fillimisht rekonandimet e OSBE/ODIHR, dhe sugjerimet tona, që janë të karakterit teknik dhe garantojnë pjesëmarrjen dhe fshehtësinë e votës dhe më pas mund të diskutohen çështje që kanë nevojë për konsensus më të gjerë politik. Disa rekomandime të ODIHR do duhet t’i adresojmë dhe nuk ka nevojë për 9 muaj. Përdorimi i teknologjisë në zgjedhje, qoftë identifikimi biometrik i zgjedhësve apo votimi e numërimi elektronik në disa zona, por edhe mbikëqyrja e procesit të numërimit të përqendruar me kamera kemi kohë që po i zbatojmë. Edhe ashpërtimi i masave penale për krimet zgjedhore. E treta, ndryshimet në Kodin Zgjedhor.
Pse duhet të themi ne që duhet të kthehemi te numërimi i në qendrat e votimit dhe të heqim dorë nga numërimi i përqendrimi i votave. Kishte një arsye që u shkua drejt numërimit të përqendruar që kishte të bënte me sigurinë, ndërsa sot teknologjia…në Koosvë për dy orë del rezultati në Kosovë. Të heqim dorë nga numërimi i përqendruar dhe të shkojmë te qendrat e votimit. Nuk ka më komisioner në qendra votimi apo numërues që merr përsipër riskun dënimin me burg jo më pak se 5 vjet që të falsifikojë rezultatin në një qendër se do të bëhet deputet x apo y. Ikën këto kohë.
