Nis operacioni “antitepsi”

Kryeministri Edi Rama ka prezantuar operacionin e quajtur “antitepsi”, nje fjalë kjo që ka dominuar në fushatën për zgjedhjet parlamentare me qëllim shmangien e punësimeve partiake.

Në qendër të këtij operacioni është shkurtimi i lejeve dhe licencave të panevojshme për biznesin dhe qytetarët si një formë për të reduktuar korrupsionin e zyrtarëve.

Në fjalën e tij Rama paralajmëroi se ilaçi i duhur është zbatimi i reformës në drejtësi.

Sipas kryeministrit volumi i lejeve qe duhet të nxjerrë administrata është shumë i lartë, duke krijuar kosto të panevojshme për qytetarët.

Në këtë mandat të dytë të qeverisë fokusi kryesor është reforma e derregullimit, shmangja në maksimum e burokracive të administratës publike.