Nis me tensione seanca plenare/ Opozita përmbys karriget dhe bllokon foltoren

Seanca plenare, ashtu siç edhe pritej, ka nisur me tensione nga opozita. Deputetët kanë bllokuar foltoren duke grumbulluar dhe përmbysur ulëset. Opozita kërkon që të plotësohen kërkesat e saj, në mënyrë që kuvendi t’i rikthehet normalisht punimeve.

Fillimisht kërkon që të aprovohen kërkesat e saj për ngritje të Komisioneve Hetimorë. Gjithashtu, deputetët demokratë kërkojnë përfshirjen në Komisionin e Reformës Zgjedhore dhe mosndërhyrjen e mazhorancës në punët e tyre të brendshme.