Ashtu siç ishte parashikuar ne planin europian per frenimin e fluksit te emigranteve, nga kjo e hëne ka nisur kthimi i refugjateve nga Turqia drejt Greqisë. Anijet e para qe transportonin me shume se 200 persona mbërritën ne Dikili ne perëndim te Turqisë. Emigrantet e zhvendosur nga ishujt Kios dhe Lesbos janë kryesisht siriane dhe pakistaneze. Autoritetet greke sqaruan se te zhvendosurit nuk kishin kërkuar azil. Aktivistet qe kundërshtonin largimin e emigranteve, organizuan protesta te vogla ne Greqi dhe Turqi, por sipas zedheneses se agjencisë se kufirit Frontex, zhvendosja është kryer e qete. Vendeve te BE u është kërkuar staf shtese per te përballuar fluksin. Sipas marrëveshjes se arritur mes BE dhe Turqisë, per çdo sirian te kthyer ne Turqi, një tjetër sirian qe gjendet ne Turqi do te strehohet ne vendet e unionit. Grupi i pare prej 30 sirianësh mbërriti ne Hanover te Gjermanisë nga Turqia. E ndërsa është ende herët per te folur per efektivitetin e marrëveshjes, zbarkimet ne brigjet greke nuk kane ndalur. Rojat bregdetare shpëtuan dy anije me mbi 50 emigrante pranë ishullit Lesbos.
