Nis grumbullimi i protestuesve në bulevard, qindra policë në gatishmëri

Sikundër u paralajmërua, qindra qytetarë të revoltuar ndaj vendimit të Këshillit Bashkiak për shembjen e godinës së Teatrit Kombëtar janë mbledhur pasditen e së hënës në bulevardin “Dëshmorët e Kombit”.

Protestës së thirrur nga Aleanca për Mbrojtjen e Teatrit i është bashkuar edhe kreu i demokratëve, Lulzim Basha.

Forca të shumta policore ndodhen në gatishmëri për të shmangur çdo incident të mundshëm në protestën që pritet të zhvillohet.

Po ashtu, janë organizuar t’i bashkohen tubimit edhe anëtarë të PD-së në rrethe, pavarësisht se Tirana është kategorizuar si zonë e kuqe.