Pas shumë përpjekjesh, ekipet e Komitetit Ndërkombëtar të Kryqit të Kuq arritën të futen në qytetin strategjik port të Mariupol në juglindje të vendit, duke ndihmuar evakuimin e rreth 1 mijë personave.
PASCAL HUNDT
KRYQI I KUQ, UKRAINE
“Ardhja e kësaj autokolone nga Mariupol në Zaporizhja është një lehtësim i madh për qindra njerëz që kanë vuajtur jashtëzakonisht dhe tani janë në një vend më të sigurt. Është e qartë, megjithatë, se mijëra civilë të tjerë të bllokuar brenda Mariupolit kanë nevojë për një kalim të sigurt dhe ndihmë.”
Vëzhguesit ndërkombëtarë i kanë përshkruar si “apokaliptike” kushtet në Mariupol.
E jo më pak edhe në qytetet përreth Kievit, ku banorët e kthyer kanë gjetur vetëm rrënim dhe hijen e vdekjes.
Pas tërheqjes së trupave ruse, Nadia është kthyer në Borodianka, një qytet rreth 50 km larg Kievit.
NADIA
“Falë Zotit jemi gjallë, mund ta rindërtojmë gjithccka, jemi të fortë dhe mund tia dalim në ccdo gjë.”
Situata është e ngjashme në shumë qytete të tjera ku po zbulohen prova të tmerrshme të mizorisë ruse ndaj qytetarëve ukrainas.
