Ndarja nga jeta e mbretëreshës së Soulit duket se po shoqërohet me debate në lidhje me ndarjen e pasurisë së saj.
Ajo nuk ka lënë asnjë testament, ndaj të katër fëmijët e Aretha Franklin kanë prezantuar një dokument sipas të cilit bëhen palë të interesuara për trashëgiminë.
Ndërsa mediat amerikane nënvizojnë se sipas ligjit të Miçiganit, nëse një person jo i martuar vdes pa testament, pasuritë e tij ndahen në pjesë të barabarta mes fëmijëve.
Don Willson, avokat i hershëm i Mbretëreshës së Soulit që u nda nga jeta në moshën 76 vjeçare, javën e kaluar, prej kohësh i kishte sugjeruar të krijonte një fond besimi, por ajo nuk ishte shqetësuar kurrë për këtë.
