Trupi i pajetë i Klodian Kullës, 39 vjeç, u gjet i pajetë në në shkëmbinjt e zallit të Fshatit në Klos.39-vjeçari mbrëmjen e së hënës, 8 dhjetor u vetëhodh nga ura në fshatin Fshat, bashkia Klos, përgjatë Rrugës së Arbrit.
Ngjarja ka ndodhur rreth orës 23:40, dhe për shkak të lartësisë dhe terrenit tepër të vështirë, kërkimet për trupin e viktimës kanë zgjatur disa orë. Shërbimet e Policisë dhe Zjarrfikësve arritën ta gjenin dhe ta nxirrnin trupin nga gremina vetëm pas një operacioni të zgjatur.
Lexo edhe :
Related Posts
39-vjeçari ishte nip i Nehat Kullës, një prej figurave më të njohura të botës së krimit gjatë viteve ’97, i etiketuar shpesh si “gjenerali” i një bande famëkeqe të asaj periudhe.
Kush ishte Nehat Kulla:
Nehat Kulla ishte një nga figurat më të njohura të botës së krimit në Shqipëri gjatë viteve 1997-1998, i njohur me nofkën “Gjenerali” për shkak të ndikimit që ushtroi në zonën e Tufinës dhe Kinostudios në periudhën e kaosit të ’97-ës. Ai dhe grupi i tij, i quajtur “ushtria e Nehatit”, kishin marrë nën kontroll repartin e xhenios dhe krijuan një strukturë të ngjashme me komisariat, duke vendosur rregulla në zonë dhe duke kryer një sërë krimesh, përfshirë vrasje dhe armëmbajtje pa leje.
Kulla ishte i përfshirë në disa ngjarje të rënda kriminale që nga vitet ’80, me dënime për plagosje, vrasje dhe arratisje nga burgu. Në vitin 2005 u arrestua sërish dhe u dënua me 20 vite burg për vrasjen e shoferit të ish-zëvendësministrit të Brendshëm, Halim Gjuzi, ngjarje e ndodhur në vitin 1998.
Pas përfitimit të uljeve të dënimit ndër vite, ai u lirua në korrik 2019, ndërsa ndërroi jetë më 16 qershor 2020, në moshën 67-vjeçare, nga një sëmundje.
Nehat Kulla mbetet një prej emrave më të përfolur të tranzicionit shqiptar, simbol i kaosit të ’97-ës dhe i krijimit të grupimeve të armatosura që sfiduan autoritetin e shtetit.
/vizionplus.tv
