Ministria e Arsimit ka hartuar një draft me masa konkrete për të ndërhyrë në ato zona që konsiderohen si hotspote të ekstremizmit të dhunshëm dhe radikalizmit.
Një gjë të tillë e ka njoftuar vetë ministrja e Arsimit, Lindita Nikolla.
Në konferencën e zhvilluar për ekstremizmin e dhunshëm, ministrja u shpreh se MAS ka hartuar plane për të gjitha shkollat që të ndalojë qasjen e vizioneve ekstremiste.
“Kemi detajuar plane dhe programe të veçanta jo vetëm në ato zona që shihen si hotspote për problemet e ekstremizmit të dhunshëm dhe radikalizmit, por në të gjithë shkollat shqiptrare, duke mundësuar më shumë partneritet jo vetëm me shoqërinë civile, por edhe me komunitetet fetare, personalitete të këtyre komuniteteve për të parë gjithnjë e më shumë dhe gjithnjë e më mirë konkretisht sesa dhe si shkolla po perfomon drejt qasjeve dhe vizioneve të tilla.”
