Niko Komani largohet nga “Dancing With the Stars”
Një natë hollivudiane. Kështu mund ta pagëzojmë mbrëmjen e tetë të Dancing With the Stars.
Në teatrin e kërcimit, magjia e filmave më të mirë të Hollivudit mbërriti për më shumë se dy orë transmetim, e kuruar jo vetëm me koreografitë, por edhe me kostumet dhe shkëlqimin e personazhe më të njohur në botën e kinematografisë.
Kërcimi i dashurisë, “Dirty Dancing” ama nuk ka qenë fatsjellës për Niko Komanin që në këtë takim të tetë me publikun la garën, pas një dance off-i me aktorin Amos Zaharia.
Kjo ishte hera e dytë që Niko Komani dilte në sfidën e eliminimit e emocionet e garës ishin të mëdha, që në kërcimin e parë.
Bashkë me Nikon nga gara largohet edhe Adela. Balerina e shumëduartrokitur do t’i mungojë teatrit të kërcimit pasi është gati të nisë karrierën e saj në SHBA.
Në garën për çmimin e madh të Dancing With the Stars mbeten 7 çifte që premtojnë të sjellin të premten e ardhshme në teatrin e kërcimit më shumë sfida.
