Policia i është rikthyer kontrolleve për kanabisin në rrethin e Krujës.
Operacioni është duke u zhvilluar sërish në zonën e Niklës, ku po kryhen kontrolle të shumta pasi dyshohet se janë edhe rreth 50 parcela të tjera ku janë kultivuar bimë narkotike.
Pak ditë më parë në këtë zonë gjatë ndërhyrjes së forcave speciale të Reneas dhe atyre të ndërhyrjes së shpejtë u gjet një laborator droge si dhe u shkatërruan serat e mbjella me kanabis.
Gjithashtu u arrestuan 16 persona dhe u shpallën në kërkim 24 të tjerë.
