I ka lënë të gjithë me gojë hapur veshja e reperes Nicki Minaj në sfilatën Haider Ackermann Womenswear vjeshtë-dimër 2017/2018, pjesë e Javës së Modës në Paris.
E ulur në rreshtin e parë, Nicki ka tërhequr vëmendjen e të gjithëve me një xhaketë me ngjyrë të zezë, të hapur plotësisht nga njëri krah, detaj që i linte jashtë të gjithë gjoksin e majtë.
Kjo veshje, mediave të huaja u ka sjellë menjëherë në kujtesë look-un e një prej rivaleve të Nicki-t, legjendës Lil’ Kim, me të cilën u shfaq në vitin 1999 në MTV Music Awards.
Dy reperet kanë prej vitesh armiqësi me njëra-tjetrën.
Kujtojmë se në vitin 2012, pas publikimit të këngës “Stupid Hoes” (K**va budallaqe) nga Nicki Minaj, në një intervistë Kim u shpreh:
“Nëse do të bësh një këngë me këtë titull, atëherë duhet të jesh edhe vetë një k**vë budallaqe”, – deklaratë që ndezi polemikat.
Gjithsesi, sot vihet në pikëpyetje nëse kjo veshje e Nicki-t ka qenë një provokim i radhës për reperen e vjetër, apo është frymëzim për look-un që u ka mbetur të gjithëve në mendje, edhe pse kanë kaluar 18 vite.
