Ervin Bushati garoi në 25 prill për t’u bërë deputet, por votat e mbledhura ishin të pamjaftueshme për ta garantuar këtë.
Ai deklaroi këtë të martë se është i kënaqur me fitoren e Partisë Socialiste dhe shtoi se përpara janë punë të tjera që presin.
“𝐅𝐢𝐭𝐨𝐫𝐣𝐚 𝐞 𝐏𝐒 𝐞̈𝐬𝐡𝐭𝐞̈ 𝐅𝐢𝐭𝐨𝐫𝐣𝐚 𝐢𝐦𝐞🙏
#PSTiranë🌹 +19,042 vota më shumë se në zgjedhjet e 2017-ës, rekord historik i Partisë Socialiste. Krenar si Kryetar PS Tiranë!
Pas dy sfidave të mëdha si pandemia dhe tërmeti tashmë sfida të tjera na presin sepse ne punojmë #mezemër për ju🌹”
Ervin Bushati ishte i sigurt në listën e PS për Tiranën, në vendin e tretë, por mori vetëm 2.991 vota. Ndërkohë dy emra të tjerë, Fatmir Xhafaj dhe Ornaldo Rakipi, thyen herësin, duke zhvendosur kështu Bushatin dhe Fidel Yllin.