Ngec Sporting, fiton Benfika

Sportingu i Lisbones dështoi te mbaje te njëjtën diference ne krye te renditjes, pas ngecjes ne Gimaraesh ndaj Vitorias ne javën e 24 te kampionatit portugez te futbollit. Ne sfidën e transmetuar drejtpërdrejt ne Tring HD, skuadra e Jorge Jezus, nuk shkoi me shume se barazimi dhe tashme ndjen presionin e Benfikes qe nga ana e saj mundi Uniao Madiera. Nje ndeshje mjaft e vështire ne Dom Afonso Henrique per Sportingun, përballë nje skuadre e udhëhequr nga Serxhio Conseisao qe nuk mundej ne 7 takimet e fundit. Edhe ne rastet ku arritën te çanin prapavijën e ngjeshur, Sportingu nuk arriti te shfrytëzonte shanset si ne rastet e krijuara me Bruno Cezar, Brajan Ruiz dhe Islam Slimani. Edhe ne pjesën e dyte, miqtë e filluan me mjaft vrull ne kërkim te golit te avantazhit, por pa arritur te zhbllokonin shifrat. Ne minutën e 74 vendasit e Gimaraesh mbeten me nje lojtar me pak, pas daljes me te kuqe te qendërmbrojtësit Josue Sa. Por edhe ne superioritet numerik, skuadra e Jorge Jezus, nuk e shfrytëzoi këtë fakt, ndërsa portieri vendas Joao Miguel nje nga me te mirët e ndeshjes, arriti te bllokonte ne dy raste si Brajan Ruiz ashtu dhe Hernan Barcos. Ne takimin tjetër, Benfika mundi Uniao Madiera 2-0 fale dopietes se brazilianit Jonas. Pas javës se 24, Sportingu kryeson ne kuotën e 59 pikëve i ndjekur nga Benfika me 1 pike me pak. Te shtunën e ardhshme, këto dy skuadra do te përballen me njëra-tjetrën ne derbin e Lisbones, ne nje ndeshje ku pritet te vendoset edhe titulli kampion i këtij sezoni.