Albano në një bisedë me Buçkon ka ndarë detaje nga vizita e tij në Itali. Ai shprehet se shkoi në vendin fqinj për të takuar babain e tij pas 10 vitesh. Aktori gjithashtu tregon detaje se si u prit nga shqiptarët që jetojnë në Itali.
“Sivjet e takova, kisha 10 vite pa u takuar me babin. Shkova ndenja 10 ditë me të në Milano. Pasi të dalë në pension, babi do vijë të jetojë në Shqipëri, në Sarandë. Kur vajta në Itali, u mblodhën gjithë çunat që jetonin atje. Kur dilja nëpër restorantet e Italisë, qëlloi që një pronar ishte shqiptarë. Çdo pjatë që sillte e shkruanin “Albano, Mirëseerdhe Albano”. Doli i ati pronarit dhe i tha djalit “Paska ardhur Albano Bogdo si nuk më tregoni”. Erdhi më përqafoi, do rrish këtu tha. Kemi 15 vite që të shohim, më nxjerr mallin për Shqipërinë. Mu mbushën sytë me lot për Zotin”, tregon Albano. /vizionplus.tv
