Për shekuj me radhë, familja mbretërore britanike ka qenë e njohur për koleksionin me bizhuteritë më të mahnitshme që na kanë zënë sytë. Gurët e çmuar e diamante verbuese të kaluara brez pas brezi. Këto bizhuteri mund t’i shohim në rrobat e kurorëzimit, ngjarje zyrtare, por edhe në veshjet e përditshmërisë. Secila nga këto copëza ka rëndësinë e saj unike dhe mbart me vete disa nga momentet më të rëndësishme të historisë së vendit.
Në këtë artikull, ne do të eksplorojmë diadiemat, që janë edhe bizhuteritë më të famshme dhe ikonike të familjes mbretërore britanike.
Diadema nga “Cartier”
Diadema nga “Cartier” është veshur nga Dukesha e Cornwell, Kate në ditën e saj të dasmës. Kjo bizhuteri fillimisht ka qenë një dhuratë për përvjetorin e martesës nga Mbreti George VI për gruan e tij Elizabeth, e njohur edhe si Nëna Mbretëreshë në vitin 1936. Nëna Mbretëreshë më pas ia dha atë Mbretëreshës në ditëlindjen e saj të 18-të. Ai përmban mbi 1000 diamante dhe gjithashtu është veshur herë pas here nga Princesha Margaret.
Diadema me diamante e Mbetëreshës Mary
Diadema e veshur nga Meghan, Dukesha e Sussex-it, në ditën e saj të dasmës u bë nga Garrard në vitin 1925 për gjyshen e Mbretëreshës, Mbretëreshë Mary.
Diadema klasike e Mbetëreshës Elizabeta II
Mbretëresha Elizabeth II dhe Princesha Anne e kanë veshur të dyja këtë kurorë në ditët e tyre të dasmës. Diadema është një simbol për solidaritetin, forcën dhe qëndrueshmërinë.
Diadema me perladhe diamante, Princeshë Diana
Mbretëreshë Elizabeta ia dha Princeshë Dianës këtë diademë gjatë martesës me Princin Charles, por iu kthye Mbretëreshës pas divorcit të çiftit në vitin 1996.
Diadema e Britanisë së Madhe dhe Irlandës
Kjo diademë ka qenë simboli ikonik që mund të kemi parë në monedhat britanike gjatë kohës që Elizabeta ishte në fron. Ajo ishte një dhuratë martese nga gjyshja e saj, Mbretëresha Mary./Living/
