Ditën e sotme, në emisionin “Vizioni i Pasdites”, është diskutuar për një nga profesionet më të veçanta, stjuardesët. Të punosh në ajër është një nga eksperiencat më të bukura që dikush mund të provojë, megjithatë, pjesën më të madhe të kohës ata janë larg familjes.

 

Nga ana tjetër si “shpërblim”, ata kanë shansin të shohin falas vendet më të bukura të botës, e padyshim t’I vizitojnë ato më shumë se një herë.

 

I ftuar në emision stjuardi Erald Duka, I cili prej 10 vitesh tashmë i është përkushtuar këtij profesioni tha se nëse këtë punë që në momentin që ti arrin ta bësh për më shumë se 1 vit, fillon të bëhet pjesë e jetës, mënyrë jetese.
Nga ana tjetër stjuardesa Rovena Reci ka dhënë një këshillë për të rinjtë:
“Provoje, sepse është një punë që vetëm njëherë në jetë mund ta bësh. Pas një farë moshe nuk e fillon dot më. Unë kam 3 vite dhe jam e dashuruar me këtë punë”.

 

 

Po cfarë duhet të dijë dikush që do të bëhet pjesë e ekuipazhit të stjuardesëve?
Do ketë raste kur do t’iu duhet të udhëtoni katër sektorë, vajtje-ardhje 2 herë. Sipas tyre pasagjerët më të vështirë janë indianët, ndërsa për shqiptarët mesa duket paskan përshtypje shumë të mira.

 

Kriteret për tu bërë pjesë:
• Duhet të dish gjuhë të huaja. Anglishtja është kryesorja sepse gjuha e aviacionit flitet anglisht. Pjesa tjetër është opsionale.
• Gjatësia: 165 minimalisht për femrat dhe 214 cm duhet të jetë zgjatja e duarve për të arritur në kompartimente në raste emergjence
• Nuk duhet të kenë tatuazhe dhe pircing të dukshëm
• Kërkohet dosja penale, duhet të jetë një figurë e pastër, jo me të shkuar kriminale
• Të dish not deri në 150 metra
• Duhet të jesh një person I qetë dhe që përballon situatat emergjente, të vështira

 

Vlen të përmendet se në këtë punë mund të përballeni me situata nga më të ndryshmet.

 

Kloa Hoxha, stjuardesë, tregon se është përballur me një emergjencë mjekësore

 

“Jemi ulur në një vend, jo në destinacionin që ishim nisur sepse pasagjeri u sëmur dhe kaloi infarkt, duhet t’I jepnim ndihmën e shpejtë. Ishte muaji im I parë I punës dhe ka qenë pak frikësuese”, tha Kloa.

 

Ndërsa Eraldi u shpreh se atij I kishin rastisur 3-4 raste të tilla: “Më ka rastisur dhe kam pasur shansin që kam pasur mjekë në bord”.
Ndonëse ka situata të pakëndshme, Kloa me batutë është shprehur se jemi bërë pak si babysitter, për shkak të situatave me fëmijët të cilët zakonisht grinden.

 

Megjithatë në fluturimet e saj fëmijët nuk qajnë sepse ajo I ka tashmë njohuritë e duhura se si t’ia bëjë udhëtimin sa më të lehtë dhe të bukur.

Leave a Reply

Your email address will not be published.