Gjatë javës të gjithë do të kenë më shumë kohë në dispozicion për të kryer pazaret e nevojshme, por kjo liridalje zgjat deri të premten në orën 17.30. Ndryshe nga fundjavat e kaluara, këtë javë qeveria ka vendosur që izolimi i gjithë vendit të nisë nga e premtja deri të hënën ora 05.00.
“Pika 2 riformulohet si vijon:
Kufizimin e lëvizjes në të gjithë qendrat urbane të Republikës së Shqipërisë për të gjitha kategoritë (këmbësor, biçikleta, ciklomotor, motomjete dhe mjete të tjera) si edhe ndalimi i ofrimit të shërbimeve për qytetarët nga aktivitetet e lejuara çdo fundjavë duke filluar nga e premtja ora 17.30 deri të hënën ora 05.00. Përjashtohen nga ky rregull të gjitha mjetet e transportit të mallrave dhe të produkteve ushqimore, Policia e Shtetit, Forcat e Armatosura, njësitë kritike të shërbimeve shtetërore dhe atyre të kompanive mediatike si edhe shërbimet në banesë (delivery)”, thuhet në urdhrin e qeverisë.
Ndërkohë, gjatë ditëve të tjera të javës ushqimoret, farmacitë dhe bankat do të jenë të hapura deri në 17.30. Më pas vendi do të futet në karantinë.
