E premtja ne Paris ka qenë e gjitha një ditë dedikuar Nejmar Zhunior. Pak orë pasi u zyrtarizua transferimi i tij nga Barcelona tek Psg për 222 milion euro, talenti Brazilian la përfundimisht Spanjën për të udhëtuar drejt shtëpisë së tij të re Parisit, me një avion privat.
Një pritje e pabesueshme në kryeqytetin francez, për sulmuesin 25 vjeçar, transferimi i të cilit u kthye ne më të shtrenjtin ne histori.
Fillimisht një përfaqësim në aeroport me Maksuell, tashmë zyrtar i lartë i klubit parisien. Më pas i shoqëruar nga një kordon policie sikurse te ishte president i ndonjë shteti, Nejmar shkoi të pushonte ne një hotel luksoz afër kullës Eifel ku do te qëndroje deri sa të sistemohet ne një vile private. Jashtë hotelit një numër i madh fansash në feste për mbërritjen e yllit Brazilian..
Më tej në 13:30 momenti i shumëpritur i prezantimit në Park De Prins përkrah sheikut Al Khelaifi ku firmosi edhe kontratën 5-vjeçare nga e cila do përfitoje 150 milion euro në total, pa llogaritjet përfitimet e tjera të jashtëzakonshme nga të drejtat e imazhit. Nejmar shpjegoi para mediave zgjedhjen e bere dhe atë që synon të arrijë me Psg.
“Jam këtu sepse unë doja një sfide te madhe, isha mirë tek Barcelona, por jam shumë i lumtur që ndodhem këtu. Nuk është për para kjo sfide por për tituj. Nëse do të ishte për para mund të kisha shkuar diku tjetër. Dëgjova vetëm zemrën time. Këtu tek PSG nuk duam vetëm Champions League, por duam të gjithë trofetë. Kur të tërhiqem nga futbolli dua të kujtohem si ai që ka shkruar historinë e këtij klubi.”
Një ditë më parë nëpërmjet një letre prekëse, Neymar falenderonte Barcelonen për gjithçka, i kishte dhënë në karrierën e tij në këto 4 vite ku ai realizoi një numër të madh golash dhe fitoi shumë trofe, duke kthyer në një lojtar shumë të dashur në Kamp Nou. Tani për Nejmar është koha për një tjetër aventure, ndoshta më të rëndësishme e karrierës, duke qenë se tek PSG do të jetë një lider, gjë qe tek Barca nuk ia lejonte Messi. Numri 10 për tek parisienët është gati. Nejmar është gati të çmende Parisin.
